مجتبى خامنئي بيسيل رعب للعالم وبيعلن عن بدء حركة تحرير الشرق الأوسط من الهيمنة الأمريكية!
ترامب ونتنياهو تقريبًا كانوا فاكرين إنهم لما يغتالوا خامنئي الأب، الدولة الإيرانية هتقع وتتقسم، لكن اللي حصل النهاردة في أول كلمة رسمية لمجتبى خامنئي بيقول إن أمريكا ارتكبت غلطة عمرها، وفتحت على نفسها أبواب جهنم اللي مش هتعرف تقفلها للأبد، وإن الغلطة دي ممكن تكون السبب في خروجها فعليًا من الشرق الأوسط!
طب إزاي؟!
⚫️ عشان تفهم، تعالى معايا أقولك كام تفصيلة من ضمن كلام مجتبى في الخطاب، عشان تفهم ليه الميديا العالمية كلها مقلوبة بعد الرسالة دي، وبيقولوا إن ترامب رجعلنا خامنئي جديد، بس شاب وفي أوج قوته! 👇
1️⃣🟡 أولًا كده، المرشد الجديد (اللي مظهرش بنفسه لكن كلامه اتنقل عبر التلفيزيون الإيراني) بدأ كلامه بمنتهى الثبات، ووجه رسائل نارية لكل الأطراف… أول حاجة عملها إنه حط النقط على الحروف بخصوص مضيق هرمز، وقال صراحةً كده إن “المضيق هيفضل مقفول”، وده كده معناه خنق تام للاقتصاد العالمي وورقة ضغط مش هتسيبها إيران لحد ما تنتصر على الأمريكان… وبالفعل سعر النفط رجع تاني كسر الـ 100 دولار بعد ما كان نزل بعد كلام ترامب إنه انتصر!
ولسه التقيل بقى جاي ورا…
🟢2️⃣ مجتبى كشف إن إيران بتدرس حالياً فتح “جبهات صراع جديدة”، والوصف اللي استخدمه كان مرعب، قال إن الجبهات دي (أمريكا وإسرائيل) “يفتقروا فيها للخبرة” وهيكونوا فيها في وضع هش جداً… وده معناه إن فيه مفاجآت عسكرية وتكتيكية متجهزة لسه في أماكن محدش يتخيلها…
ومن ضمن الجبهات دي غالبًا هتكون جبهة الحرب السيبرانية، خصوصًا وإن مجموعة القرصنة الإلكترونية “حنظلة” التابعة للنظام الإيراني اخترقت بالفعل أنظمة تابعة لشركة مايكروسوفت وشركة التكنولوجيا الطبية الأمريكية STRYKER… وفي هجمات شغالة على البنية التحتية التكنولوجية وخدمات الحوسبة السحابية لمراكز بيانات أمازون وجوجل ومايكروسوفت في الخليج!
مش بس كده… لسه في أتقل… 👇
🔵3️⃣ تخيل كمان إنه وجه إنذار مباشر ونهائي لدول الجوار اللي فيها قواعد أمريكية، وقالهم بالحرف: “اقفلوا القواعد دي فوراً”، واعترف إن إيران قصفت القواعد دي تحديداً في الهجمات اللي فاتت لأنها هي استخدمت لقتل الشعب الإيراني!
الخطاب في لغته كان واضح جدًا ومسابش مكان لأي لبس: “نؤمن بالصداقة مع جيراننا ولا نستهدف إلا القواعد العسكرية الأمريكية فقط وسنواصل دكها طالما ظلت مفتوحة وتستخدم ضدنا..”
🔹️ وبكده إيران بتحط دول المنطقة قدام اختيار تاريخي… يا إما معانا ضد الأعداء، يا إما هتتحملوا نتيجة استضافة القواعد… مفيش خيار تاني خلاص، ومفيش توقف، والحرب لن تنتهي إلا بخروج أمريكا من الشرق الأوسط!
ده غير كمان إنه شكر دول “جبهة المقاومة” بشكل مباشر، بدايةً من لبنان لليمن للعراق، وأكد على إنهم جسد واحد مش هينفصل…
🔸️ والموضوع مش سياسة وبس، ده دخل في التعويضات والاقتصاد كمان…
🟣4️⃣ مجتبى طالب أمريكا وإسرائيل بدفع تعويضات مالية ضخمة عن كل الخسائر، وهدد بوضوح انهم “لو مدفعوش، هناخد من ممتلكاتهم وأصولهم اللي يرضينا، أو هنقصف ممتلكات تعادل قيمتها”… يعني هيفضلوا يستهدفوا البنية التحتية للأمريكان وولاد الأحبة (جميع حبيب)، لحد ما يكبدوهم خسائر اقتصادية فادحة لا تعوض!
بس الخبطة بقى اللي هتوجع الأمريكان بجد قدام الإعلام العالمي، وهتقلب ضدهم الرأي العام في كل حتة، هي نقطة الشهداء الأطفال… 👇
🟠5️⃣ مجتبى قال إن موت والده ده “مصاب عام”، وإنه شاف جثته وكانت عليها ملامح الصلابة والبأس… لكن دم كل فرد إيراني مات في خلال القصف الأمريكي والإسرائيلي، وخصوصًا أطفال مدرسة “ميناب” اللي تم قصفها بصاروخ “توماهوك” وأدت لسقوط أكتر من 160 شهيد معظمهم أطفال؛ هو “قضية مستقلة”، وإنها مش هتتقفل أبدًا إلا لما يجيبوا حقهم ممن تسببوا فيها!
⚫️🟡 أنت عارف الكلام ده كله معناه إيه؟
معناه إن ترامب، اللي كان فاكر إنه بيمحي نفوذ إيران، رجع “خامنئي” تاني جديد، بس المرة دي في صورة شاب عنده طاقة وقدرة على المناورة والمواجهة بشكل أعنف، وأذكي وأكثر حزمًا من أبوه!
الـ CNN نفسها علقت على الموضوع أثناء نقل القصة، وقالت إن ترامب “رجع المرشد شاب من تاني!” وحالياً أسعار البترول بدأت تزيد زي ما قلتلك، والعالم كله خلاص متأكدين إنهم داخلين على أزمة طاقة عالمية أسوأ من السبعينات، خصوصًا مع تهديد إيران كمان بإغلاق “مضايق أخرى” في المنطقة… وأكيد يقصدوا باب المندب، اللي هو مدخل البحر الأحمر وقناة السويس، وشريان الحياة المتبقي لاقتصاد العالم…
🔹️ أنا الحقيقة عمري ما كنت متصور إن اللي بيحصل دلوقتي ده يحصل، بس دلوقتي أقدر أقولك إن الأحدث دي كلها (في رأيي وإيماني الشخصي) هي بداية نهاية الهيمنة الأمريكية في المنطقة…
الشرق الأوسط النهاردة غير الشرق الأوسط بتاع امبارح… وواضح إن اللي جاي سواد على بتوع الأطفال اللي افتكروا إنهم يقدروا يكسروا إرادة الشعوب…
🔴🔴 لو وصلت لهنا متنساش بس الشير ضروري، وعرف غيرك بالكلام ده عشان يوصل لكل الناس ويعرفوا اللي داير حاليًا.