كتبت : سعاد محمد
علق الفنان شريف إدريس على إعلان كريم الحسيني إعتزاله صباح اليوم فى منشور له على صفحته الرسمية على موقع التواصل الاجتماعي، يروي من خلاله الأسباب التي دفعته لاتخاذ هذا القرار.
وعبر إدريس عن حزنه الشديد عن المعانة التي يخوضها النجوم من جيله، فقال: “ ماهر عصام الله يرحمه، معوض اسماعيل، احمد عقل، أحمد عزمي، نادر حسن، فادي خفاجي، هند حسني، احمد عزت، كريم الحسيني.. ومعظم ابناء جيلي …احنا جيل اتفرم يا حضرات فينا اللي عافر وكمل وفينا اللي استسلم لانه تعب وظروف الحياه ابعدته.”
وتابع شريف: “ماتستهونش بان احنا كنا بنمثل واحنا صغيرين احنا جيل ركبنا السبنسه في قطر الطفوله.. علشان كنا بنشتغل وبنساعد أهالينا كبرنا بدري وشفنا اللي ماحدش شافه، وعيشنا مراهقتنا وشبابنا بنعافر علشان نلحق كرسي في قطر الفن فلقينا نفسنا متعلقين في الباب ومش عارفين نركب برغم ان احنا دفعنا تمن التذكره غالي قوي من عمرنا وطفولتنا وحياتنا.”
وانهي إدريس منشوره: “عيشنا واتربينا في الوسط ودرسنا وشقينا وسعينا وتعبنا..وكل حلمنا فرصه تكلل مجهودنا، أصعب شئ في الكون لما تشوف عمرك وتعبك ودراستك وحياتك كلها بتروح هدر قدام عنيك وانت واقف عاجز”.
