كتبت:سلوان محمود
شارك الفنان تامر حسنى متابعيه منشورا عبر حسابه الشخصي بموقع التواصل الاجتماعي فيسبوك، يعرض من خلاله النصيحة وكيف كانت تجاربه للنجاح، مع تعديل بعض مفاهيم الحياة واستبدالها بمفاهيم تزرع التفاؤل بداخلهم.
حيث قال: “في مقوله بتقول
(( اللي ملوش كبير يشتريله كبير )) مقوله جميله بس انا من خلال رحلتي و قد ايه في قوه جباره الانسان بيستمدها من اللي بيحبهم بكل جوارحه .. طبعاً كلامي عن النجاح العملي في العمل اللي تحبه … فحبيت أقول المقوله بطريقه تانيه و هي
(( اللي ملوش مثل أعلى يشتريله مثل أعلى )).
ثم تابع حديثه قائلا:” والله والله والله لما بتحب حد ناجح و تتأثر برحلته او طريقته و نجاحه فعلاً بتقدر تبقى زيه و ممكن احسن كمان .. ممكن طبعاً تنجح من غير ما يكون عندك مثل اعلى بس تركيزك بيبقى اقوى بكتير مع مثال قدامك حي”.
ثم اكمل:” بيخليك تشوف رحلته قدامك زي دليل ينورك على خطوات انت متعرفش نتايجها بس بتعرفها من خلاله بتشوف تفكيره في التطوير و تفكيره ازاي يتخطى الازمات و تفكيره في المواكبه لكل مرحله في حياته ازاي كسر سقف نجاحه عشان انت كمان تعمل زيه معلش بحب اوصلكم اي حاجه كويسه بتعلمها في حياتي “.
ثم اختتم حديثه قائلا:”( اللي ملوش مثل اعلى يشتريله مثل اعلى )
يعني يدور و يركز مع حد يحبه و يتعلم منه و على فكره مش شرط في مجاله ممكن تحب حد في مجال تاني و تحاول تطبق مراحله في مجالك ده كان كلام من واقع تجربتي و رأيي الشخصي … ربنا يوفقكم كلكم و توصلوا لابعد من احلامكم و تبقوا انتوا كمان مثل اعلى لناس بعدكم”.
يذكر أن الفنان تامر حسنى قد انفصل منذ فترة عن زوجته بسمه بوسيل ومن ثم ظهرت بعد الطلاق لتتهم مديرة اعماله بان هى السبب فى ذلك، بعد ان جمعتهم حياة هادئة وقصه حب جميلة.
