حوار: ليلى إمام
الهاندميد “هاجر جمال فريد”، في الفرقة الرابعة كلية خدمه اجتماعيه، تبلغ من العمر 22 عاما، من محافظة أسيوط مركز القوصيه.
كلمينا عن بدايتك في الهاندميد؟
شغل الهاند ميد شغل ثلث وجميل وبتحسي براحه كدا وانتي بتشتغليه،
بدأت أول شغل ليا وانا عندي 16 سنه كنت شغاله في شركه كان أول راتب ليا حرفياً 18ج كان وقت اذمة كرونا والناس كلها قاعده في البيت من هنا جالي الإلهام بدأت عملت جروب صغير كدا علي الوتساب وضفت فيه صحابي وكان عدد ضئيل جدا والله كان ممكن يجيلي تلات اوردرات في الشهر، بعدين حسيت اني عايزه أكبر ف عملت بيدج علي الفيس اسمها
Hager Designer وبدأت أنزل الشغل عليها وأكبر وحده وحده حالياً أنا الموزعه والمسوقه والمصوره للشغل بتاعي وبقيت بشحن شغل لجميع المحافظات وعندي إقبال من المحافظات التانيه،
وبقي عندي مكنة طباعة الصور والمجات ومناديل كتب الكتاب
وحقيقي أنا فخوره بنفسي جدا اني قدرت اعمل كل دا وحدي وفي سن كل اللي حواليا اهلهم بيصرفوا عليهم.
كما أعربت أن المشجع والداعم لها اكبر حد يعطي لها طاقة إيجابية ف حياتها عمتاً هي أختها “أمنه”.
وعن خوضها مجال المعارض قالت :” شاركت كتير طبعاً في معارض في محافظات مختلفه منهم معارض في محافظتي نفسها ومحافظة سوهاج”.
أما عن كيفية تطوير ذاتها في المجال أجابت:” طورت علي نفسي اني اشتغلت علي نفسي كنت شايفه أن نفسي الداعم الوحيد ليا وكانت تستحق اني أطور منها اخدت كذا كورس ف الماركتنج علشان اعرف اسوق للشغل بتاعي كويس واعرف اتعامل مع الكيلانت بتوعي كويس”.
من وجهة نظرك ما مميزات الهاند ميد؟
مميزات الهاند ميد أنها شغله حلوه أوي وسهله واي حد يعرف يشتغلها وبس لو موهوب وحاليا بالكورسات وكل حاجه تقدر انك تشتغل اي حاجه انت عايزها بمجرد م بتعمل سيرش عن الحاجه اللي عايزها بيظهر فيديوهات وكل حاجه تساعد اي حد مبتدأ.
ما مخططك حاليا لتكملة حلمك؟
حالياً نفسي اعمل حاجه كدا زي ورشه عمل صغيره اشغل فيها كل البنات المبتدئين واللي عايزين يعملوا كارير ل نفسهم.
فيما صرحت هاجر أيضاً أن لديها موهبة أخرى متحدثة عنها قائلة:” موهبتي في الشعر هي كانت اكتشاف بطريقه مختلفه شويه،
جت عليا فتره بعدت عن كل اللي حواليا البعد دا استمر سنتين ف السنتين دول مكنش ليا لا صحاب ولا معارف عاديه حتي ف وقتها لجاءت للكتابه وحقيقي دا كان اكتر وقت كنت مرتاحه فيه، بفضفض للورق صديق عمري م هيمشي يعني
ف بدأت برضوا أطور من نفسي
واتعلمت اكتب خواطر وقصص قصيره وقصص طويله ورويات اشتركت في مسابقة نجم الصعيد واخدت مركز تاني علي مستوي الجمهوريه حقيقي كل حد سابني ف الفتره الصعبه دي رجع تاني بيحاول يتواصل معايا ويكون مجرد صديق عادي ليا حتي لكن خلاص كان فات الآوان وزي م بدأت الرحله وحدي كملت فيها وحدي وحقيقي دي اكتر حاجه خلتني شايفه نفسي وكرامتي رقم واحد ف حياتي ولو اي حد حاول يجي علي كرامتي مش بسمحلوا بكدا .
وفي نهاية حديثنا معها قدمت نصيحة للشباب :” نصيحه اقدمها لكل حد عايز ياخد خطوه انو يبدأ يشتغل بجد دي خطوه جميل اووي وهتعمل لكل وحده كرير خاص بيها نصيحه لكل حد عايز. يبد ابدا من تاني حتي لو تعثرت أقدامك مش جايز قصتك الجديده تكون احلي من كل اللي فات
اهم حاجه أن كل وحده تصدق نفسها
اقدارهم تؤخد من أفوأههم صدقت نفسي اني هوصل لحاجه ووصلت من وحده عندها اوردرين تلاته ف الشهر لوحده بتوزع لجميع المحافظات شغلها.
