بقلم/ لطيفة مؤمن
رحلتنا النهارده هنتعرف فيها علي شخص بيلازمنا من يوم ميلادنا ولحد ما نموت لا مش توامنا ،الأمر اكبر من ذلك أنه القرين مصطلح ومسمي تردد كثيرا علي مسامعنا وسمعنا عنه حكايات كتير بعضها حقيقي وبعضها مجرد تخيل طيب ايه هو القرين دا ؟وايه وظيفته؟ واقدر اشوفه ازاي؟ وايه الحكايات الي اتقالت حول الموضوع دا؟
هنجاوب عن كل الاساله دي واكتر في مقال النهارده
بس نصيحتي ليكم أن متقراش المقال دا وانت قاعد لوحدك أو في مرايات حواليك وبطل تتلفت في أركان الاوضه وتركز فيه
اولا ايه هو القرين دا؟ القرين من ارقي واعند واشرس عشائر الجن وهو علي عكس كل عشائر الجن أن ممكن تقضي عليهم مهما بلغت قوتهم لكن القرين دا لا يمكن تقدر تتخلص منه فهو مش بيموت غير بموت صاحبه
طيب هو وظيفته ايه؟ وظيفته الاساسيه هي اغواءك وتزين المعاصي في نظرك حتي يجردك من كل معاني الحلال والحرام ويبيح لك كل شيء
طيب هو يقدر يسيطر عليا؟ اه طبعا القرين ليه سيطره كبيره علي العقل البشري يعني مثلا لما بتحلم حلم وتصحي ناسي أجزاء كتير منه بيكون هو المسؤول عن دا وكمان لما بتتكلم وانت نايم ناس كتير بترجح أن الي بيتكلم دا هو القرين مش انت كمان لو انت نايم وحسيت بحاجه بتقع فدي غالبا بتبقي حيله من القرين بيحاول يصحيك بيها لو حس بالملل كمان لو كنت قاعد وسمعت حد بينده عليك وبصيت لقيت مفيش حد أو كله نايم فوقتها مش عاوزاك تقلق خالص لأن غالبا دا هيكون القرين وبيمسي عليك مش اكتر
طيب هو بيتواصل معايا ؟بيقولوا انك لو سمعت طنطنه في اذنك فدي بتبقي محاولة تواصل معاك من القرين
كمان هو الي بيوصلك احساس الارتياح أو النفور من شخصيه اول مره تشوفها والي احنا بنسميه الحاسه السادسه
هو انا ممكن اقدر اشوف القرين وايه شكله الأغلب بيرجح أن وسيلة روية القرين هو النظر للمراه متأخر ليلا ولوقت طويل
وشكله بيكون نفس شكلك بس بطريقه معكوسه يعني نفس ملامحك بس بالعكس
من المواقف الي اتحكت علي لسان اصحابها أن في بنت عندها ١٨ سنه كانت بتحب قراية روايات الرعب في وقت متأخر من الليل ووسط ما هي مندمجه في القرايه سمعت صوت بينده عليها الغريب في الموضوع أن مكانش في حد صاحي غيرها راحت الحمام تغسل وشها وقالت اكيد مجرد تخيل وبعد فتره من النظر للمراه بدأت تشوف تغير في ملامح صورتها الي في المراه وكأنها شخص التي غيرها اترعبت وطلعت تجري طبعا
وفي قصه تانيه عن واحده اتفاجئت ببنت اختها بتصحيها علشان توديها الحمام وهما خارجين من الاوضه اكتشفت أن البنت حافيه طلبت منها تروح تجيب الشبشب لكن البنت مردتش عليها فكرت خالتها أنها اكيد خايفه ترجع الاوضه سابتها واقفه ورجعت هي الاوضه لكن اتصعقت لما شافت أن بنت أختها نايمه في سريرها عادي رجعت جري تشوف مين الي كانت مسكاها بس ملقتش حد في نهايه كلها حكايات علي لسان أصحابها ومفيش حاجه موكده لكن وجود القرين شئ مؤكد بشكل كبير
