حوار: ليلى إمام
أعطني متحفاً وسأملؤه، أرسم الأشياء كما أفكر بها لا كما أراها، الرسم طريقة أخرى لكتابة المذكرات.
الرسامة “رحمة السيد العوضي”، تبلغ من العمر 18 عاما، من دكرنس.
امتى بدأت الرسم؟
من وأنا صغيرة بحب الرسم جدة بس ركزت عليه آخر 4 سنين.
هل دا موهبة ولا اتعلمتيه؟
موهبة بس اتقنته مع متابعة استاذي.
احكلنا تفاصيل أول رسمة ليكي؟
بدات من وانا صغيره في ابتدائي برسم حاجات كرتون وطبيعة صامته اهلي شافوا إن عندي موهبه ووقفوا جنبي ووفروا ليا الأدوات اللي انا محتجاها وبعد كده بدأت اتعلم أكتر وأعرف الأدوات والورق المطلوب بالظبط اي واجيبه بدأت أعرف إن في حاجات اسمها ظل ونور ف بدأت اتعلم أكتر وارسم عين لوحدها وانف وأذن وشعر واساسيات البورترية لحد ما قدرت اجمع بورتريه كامل وطبعا ده بفضل ربنا وفضل استاذي ومعلمي الفنان محمد حمدي.
مين بيشجعك ويدعمك؟
اهلي طبعا أول ناس وقفت جمبي واستاذي وأصحابي.
بترسمي بأدوات اي؟
رصاص وفحم وزيت.
حابة تجربي ترسمي بحاجة جديدة غيرهم؟
بحب ارسم بالرصاص والزيت لأن بحب التفاصيل جدا وأكيد حابه اتعلم بطرق مختلفه واطور من نفسي .
شاركتي في معارض قبل كدا وحابة تشاركي تاني؟
بالنسبه للمعارض انا مكنتش بشارك في معارض كتير شاركت مره واحده وحبيت الموضوع جدا يعني، ولو اتعرض عليا انزل معرض وكدا هوافق لانها تجربه حلوه وفرصه.
هل في صعوبات بتواجهك؟
أكيد بتواجهني صعوبات الدراسة مع الوقت بس الحمدلله بحاول اوفق بينهم عشان اطور من نفسي.
إزاي السوشيال ميديا ساعدتك؟
السوشيال ساعدتني شويه في إني اعرض رسوماتي.
حابة الرسم يكون مصدر دخل ليكي؟
اكيد حابه الرسم يبقي مصدر شغل ليا.
حلمك توصلي لأي؟
حلمي أني عاوزة يبقى ليا معرض بإسمي أعرض فيه كل رسوماتي.
