بقلم /لطيفه مؤمن محمود
يسعد مسائكم يا رحاله في رحلتنا التانيه
النهارده هنتكلم عن الجاثوم
ويا ترى هو مرض وليه تشخيص علمي ولا جن زي ما بنسمع من الأساطير القديمه ؟
طيب ايه هو الجاثوم اصلا ؟
ويا ترى كل الناس بتتعرض ليه؟ وايه الأسباب الي ممكن تخليني اواجه الجاثوم ؟
في البداية كانت هنشرح ايه هو الجاثوم:- تعرف لما تبقي نايم في السرير وعينيك مفتحه وشايف كل الي بيحصل ومدركه كويس ومتأكد أنك مش بتحلم بس في نفس الوقت انت مش قادر تحرك جسمك ولا حتي تصرخ علشان حد يلحقك بتحس وقتها إن كأن حد خانقك اهو هو دي بقي الجاثوم والي علميا يسمي بشلل النوم وتكلم عنه علماء كتير من قديم الأزل أمثال ابن سيناء
أما لو على أعداد الناس التي تتعرض للجاثوم فيقال إن من ٧٠الى٨٠٪ من الناس بيواجهوا الجاثوم ولو لمره واحده في حياتهم فلو انت ضمن النسبه الباقيه احمد ربنا كتير لأن في ناس بتبقي مضطره تواجه الرعب دا كل اسبوع
نرجع بقي لسؤالنا الأساسي هل الجاثوم ليه تفسير علمي ولا هو جن زي ما بيتقال
بعيداً عن التعقيدات العلميه هحاول اشرحلك الأمر ببساطه متفتكرش مره وانت نائم حلمت أن عندك قوه خارقه أنك بتطير مثلا او أنك بتقتل حد طيب ركز في الجمله الي فاتت كويس علشان هنحتاجها قدام مبدائيا كدا نوم الفرد مننا بينقسم لقسمين الفتره الأولي بتسمي بالعين البطيئة أو النوم الهادئ ودي بتمثل ٧٥٪من مجمل ساعات نومك وبتتميز أن نومك فيها بيكون عميق وهادئ أما الفتره التانيه وعلى الرغم أنها تمثل ٢٥ ٪ بس من مجمل نومك وتسمي بفترة العيون السريعه أو النوم المتقطع دي بقي الى بيحصل فيها الاحلام الي كلمتك عنها فوق أنك مثلا بتطير أو بتقتل حد وعلشان عقلك ينمع تفاعلك مع الاحلام دي والا هتصحي تلاقي نفسك قتلت حد بجد أو نطيت من البلكونه بيفرز ماده اسمها الاسيتوكولين ودي بتساعد علي الارتخاء وعدم السيطره على جميع العضلات والأعصاب ما عدا الجزء الخاص بالعين والرؤية ومنطقة الحجاب الحاجز علشان تساعدك علي التنفس اهو في الفتره بتبقي معرض لعدد كبير من الهلاوس البصريه والسمعيه وبيستمر الوضع لعدة ثواني قد تصل لدقائق حتي يتم سحب مادة الاسيتوكولين وتعود لك السيطره من جديد ودا التفسير العلمي لحالة الجاثوم
أما عن اعتقاد البعض أن الجاثوم دا يعود للجن فالأمر غير محتوم ومجرد تكهونات أو بعض حالات نادره واستثنائية
طيب ايه الحاجات الي تخليك عرضه لمواجهة الجاثوم
١- انك تنام على ضهرك لفترات طويله
٢- التعرض للضغط النفسي
٣-تغير فترات نومك
٤- تناول العقاقير المهدئه ومضادات الاكتئاب
وبالبعد عن الأسباب دي بتكون قادر انك تتخلص من الجاثوم
في النهاية لسه مقتنع أن الجاثوم جن ؟ يا ترى تعرضت لموقف مع الجاثوم ؟
