بقلم : لطيفة مؤمن محمود
احساس وحش اوي لما ست تنامً معيطه
بسبب احساسها انها بقت عادي معتاد وجودها …
معتاد انها تستحملك بمشاكلك و ضغوطك و ردودك .
تستحمل انها ما تشوفش مشاعر و كلمتين حلوين
غير في وقت ثابت …
لما هي تكون عارفه حقوقك لكن انت مش شايف
ان حقوقها المفروض تاخدها بشكل مجزء
كلام حلو – سلام حلو – حسن استماع – تمشيه – حاجات بسيطه و لما تيجي تطالب ب ده نرص اسطوانة اصل الضغوط و انا مخنوق و الالتزامات الماديه.
تعالي بقي نعكس الوضع و قت ما انت تحتاج
المشاعر تلاقي نفس الردود ؟؟؟؟
هتقبل !!!
ولا ساعتها هيكون الوضع مختلف !!!
المشاعر واحده بس الاحتياجات
و معني التقدير مختلف بين الست و الراجل
دورك كراجل انك تقدم احتياجات مراتك بطريقتها . و بجد كفايه أسطوانات مشروخة عشان معروف انها مجرد حجج بداري بيها تعودك علي وجودها .
نصيحة منى عف زوجتك
لان عفة الزوجة مش معاشرة وبس
كل امراة احتياجاتها مختلفة عن التانية
اساس الزواج انك تعف زوجتك.
وظيفتك من يوم ما اتجوزت هي زوجتك واولادك
انت كزوج مطلوب انك تعف زوجتك بحسابات زوجتك بحساباتها هى
مش بحساباتك انت
لو زوجتك تتعف بالمغازلة .. عفها بالمغازلة
لو زوجتك تتعف بالحنية كون احن مخلوق عليها
لو زوجتك تتعف بالكلمة الحلوة دور على احلى كلام الدنيا
دا ربنا حلل الكدب على الزوجة فى المغازلة والكلام الحلو يااخى
لو زوجتك تتعف بانها عايزة حد تتكلم معاك .. اتكلم معاها بعيد عن الواد والبت والاكل
الفيس مليان ماتسيبهاش تتكلم مع صحبتها ولا اى حد غريب
فضي نفسك ليها واتكلم معاها بدل ما تدور على اللي تتمنى تفضفضله
لو زوجتك رومانسية .. كون رومانسي
سيدك النبى كان احسن واحد يحب زوجته
النبى كان بيعرف زوجته زعلانة امتى وبتكون راضية امتى وعرف كدة من الحلفان
سيدنا عمر قال عن زوجته انها استحملته كتير أية يعنى لما استحملها شوية
المهم هى عايزة ايه وانت عايز أية
مش انت فاضي لايه وعايز اية لوحدك
على فكرة انت ممكن تاخد منها رموش عينها بس بالطريقة الصح بالحب بالكلمة الحلوة
مراتك هى قرة عينك فلازم تعتنى بعينك عشان ماتتعبكش
وعلى فكرة هتتسأل عن ده عن عفة زوجتك الزوجه الصالحه هي الأمان والزوج الصالح كنز .
كل انسان عنده طاقة
لان الست لو طاقتها خلصت هي ممكن تكمل اه ..
. بس ساعتها انت هتبقي ولاحاجه وللاسف
هتكون انت اللي بطريقتك وصلتلها
انها ولاحاجه مع الوقت بقيت انت اللي ولا حاجه.
تقدير المشاعر مش محتاج مجهود
محتاج بس تعرف ان في حاجات لما بتكسر مش بتصلح
و ان مش معني وجود الشخص في حياتك انه مضمون .
تقدير المشاعر من أساسيات نجاح العلاقات .
